Yr RNLI yw’r elusen sy’n achub bywydau ar y môr.
Rydym yn darparu, ar alwad, wasanaeth canfod ac achub pedair awr ar hugain trwy gyfrwng badau achub ynghyd â gwasanaeth achubwyr bywyd tymhorol ar draethau. Mae ein Gwerthoedd yn adlewyrchu’r modd y byddwn yn mynd ati i weithredu fel cyfundrefn.
Pwrpas:
Mae’r RNLI yn achub bywydau ar y môr.
Gweledigaeth:
Dod â marwolaethau ar y môr, y gellid bod wedi’u rhwystro, i ben.
Gwerthoedd:
Seilir ein gwaith ar ein gwerthoedd, a dyna sy’n ei yrru hefyd. Mae ein gwirfoddolwyr a’n staff yn ymgyrraedd at safon ardderchog ac maent yn…
Anhunanol: yn barod i roi anghenion eraill o flaen ein hanghenion ni ac anghenion y tîm o flaen anghenion yr unigolyn; parod i weld y darlun ehangach a gweithredu er lles yr RNLI, ac i fod yn gynhwysol a dangos parch at eraill. Bod yn barod i rannu ein harbenigedd gyda chyfundrefnau sy’n rhannu ein hamcanion.
Dibynadwy: wastad ar gael, wedi ymroi’n llwyr i wneud ein rhan wrth achub bywydau gyda phroffesiynoldeb ac arbenigedd, gan ddatblygu a gwella’n gyson. Gweithio yn y gymuned a throsti a chyflawni ein haddewidion.
Geirwir: cyfrifol, atebol ac effeithiol wrth ddefnyddio rhoddion ariannol a roddwyd i ni gan ein cefnogwyr, rheoli ein busnes gyda thryloywder, gonestrwydd ac yn ddiduedd.
Dewr: parod i gyflawni ein hamcanion mewn amgylchiadau sy’n newid ac sy’n heriol. Rydym yn flaengar, yn hyblyg ac yn benderfynol yn ein cenhadaeth i achub mwy o fywydau ar y môr.
Pethau na fyddwn ni’n eu newid:
Ethos gwirfoddoli:
Darperir ein gwasanaeth achub bywydau ar draethau gan wirfoddolwyr hyd eithaf ein gallu, a’r rheiny’n cael cefnogaeth hael gan roddion gwirfoddol a chymynroddion.
Annibynnol oddi wrth Lywodraeth:
Nid ydym yn ceisio cyllid gan lywodraeth ganolog.
Elusen genedlaethol, leol:
Rydym yn gweithredu trwy gyfrwng timau lleol, sy’n derbyn cyfarwyddyd a chyllid canolog.
Morwrol:
Maes ein harbenigedd eithriadol yw achub bywydau ar y môr ac ar ddŵr drwy geisio atal a thrwy achub.
Treftadaeth:
Rydym yn falch iawn o’n hanes a’n traddodiad ac o lwyddiant yr RNLI wrth achub bywydau dros yn agos at ddwy ganrif.
Cynhwysiad ag amrywiaeth
Rydym yn ymroddedig i fod yn sefydliad cynhwysol trwy annog amrywiaeth yn ein gweithlu, gwirfoddolwyr a chefnogwyr. Rydym yn hyrwyddo cyfle cyfartal i bawb, yn seiliedig ar allu’r unigolyn a’u potensial i gyfrannu at yr RNLI.
Yr RNLI a’r amgylchedd
Rydym yn anelu at ostwng faint o ynni rydyn ni’n ei ddefnyddio, fydd yn gwella ein hôl troed carbon a gostwng costau – gan wneud i roddion fynd ymhellach.
Mae prosiectau sy’n lleihau ein heffaith ar yr amgylchedd yn cynnwys pympiau gwres o’r ddaear mewn gorsafoedd badau achub newydd, tyrbin gwynt sy’n rhoi pŵer i Orsaf Bad Achub Aith, a nifer o fesurau arbed ynni yn ein swyddfeydd.
Ein cynllun tymor-hir yw arafu cynnydd ein hôl troed carbon, cyrraedd stad sefydlog yna cyflawni gostyngiadau flwyddyn wrth flwyddyn wrth barhau i gyrraedd ein hangen am fwy o weithgareddau ymarferol.